A maxia sempre está ao noso redor. Só quen saiba abrir o seu corazón poderá contemplar e formar parte das cousas máis marabillosas. Quen lle ía dicir a Mel que mudarse ao vello casarón da praia se convertería nunha aventura fantástica. Após a morte da súa nai, os catro irmáns e mais o seu pai abandonan a cidade para ir vivir no abandonado fogar da familia na aldea de Oires. As súas preocupacións centrábanse en reformar o casarón, reabrir a vella panadería e adaptarse ao peculiar estilo de vida dos seus veciños. Até que unha misteriosa rapaza co pelo da cor do mar comezou a aparecérselles nas noites de treboada... Elena Osés cóntanos unha historia chea de maxia na que unha familia debe superar a perda da nai e reiniciar a súa vida nun novo lugar. A través dun relato vibrante, cargado de aventuras e experiencias, a protagonista deberá desentrañar o misterio que agocha o vello casarón familiar e, por se non fose abondo, fortalecer os lazos que unen os catro irmáns.
