Hadrián Barcés, matemático e gran soñador, decide realizar unha viaxe dende PequÃn a Nova York coa intención de comprobar a veracidade do conxunto de teorÃas coñecidas como "Efecto Bolboreta", acuñadas por cientÃficos como James Gleick e Edward Lorenz a partir do proverbio chinés: "o bater das ás dunha bolboreta pódese sentir ao outro lado do mundo". Hadrián recollerá no seu diario as detalladas anotacións desta aventura cientÃfica e solitaria polo mundo enteiro na que conseguirá resolver algunhas das súas incógnitas, sufrirá moitas penurias e decepcións, vivirá acontecementos inesperados e mesmo atopará neses vieiros o rostro fermoso da bolboreta do amor, o sÃmbolo de todos os seus soños. O Proxecto Bolboreta é un xeito diferente de vida, un soño que merece ser cumprido.
