A Biblioteca Shakespeare estréase con este volume que contén dúas traxedias. Romeo e Xulieta é o paradigma de traxedia de amor, unha das obras máis populares e apaixoantes do teatro de todos os tempos. O amor que supera todas as barreiras e se enfronta ás diferenzas insalvables de dúas familias, nunha trama perfecta con diálogos cheos de enxeño. O rei Lear é unha maxistral obra de madureza, a gran traxedia na que a subversión de todos os valores fai percibir con crúa nitidez a presenza do absurdo na mesma cerna da vida. Unha peza que constitúe un dos puntos culminantes da obra do dramaturgo inglés.
