Gaspar, un labrego humilde e atrevido, pretende conquistar unha princesa que, ante a insistencia do seu pai e farta de ter que se mostrar agradable con lingoreteiros e interesados, establece unha dura condición para os seus pretendentes: guiar as súas cincuenta lebres deica o bosque e traelas de regreso ao cabo de tres días. Este divertido conto, xoia da tradición oral danesa, denuncia as actitudes clasistas sen renunciar por iso aos momentos grotescos e ás situacións cómicas.
